نصیر آباد کے نوجوان طارق علی بگٹی کا مبینہ میرٹ کی خلاف ورزیوں پر انصاف کا مطالبہ

باباکوٹ(رپورٹ محمد یونس عمرانی)
نصیر آباد کی یونین کونسل مانجھوٹی غربی کے رہائشی طارق علی بگٹی نے میڈیا سے گفتگو کرتے ہوئے الزام عائد کیا کہ محکمۂ تعلیم میں بھرتیوں کے دوران میرٹ کو نظر انداز کیا گیا، جس سے نوجوانوں میں شدید مایوسی پھیل رہی ہے۔
طارق علی بگٹی نے کہا کہ جب میرٹ کی پامالی ہو اور انصاف نہ ملے تو پڑھے لکھے نوجوانوں کا اعتماد مجروح ہوتا ہے۔طارق علی بگٹی نے وزیراعلیٰ بلوچستان میر سرفراز بگٹی، وزیر تعلیم بلوچستان، سیکرٹری تعلیم بلوچستان، کمشنر نصیر آباد، ڈپٹی کمشنر نصیر آباد اور ڈسٹرکٹ ایجوکیشن آفیسر نصیر آباد سے اپیل کی کہ نوجوانوں کے ساتھ ہونے والی مبینہ ناانصافیوں کا نوٹس لیا جائے اور شفاف تحقیقات کے ذریعے انصاف فراہم کیا جائے۔طارق علی بگٹی نے کہا کہ اگر متعلقہ حکام نے ان کی داد رسی نہ کی تو وہ اپنے قانونی حق کے تحت عدالت سے رجوع کرنے پر مجبور ہوں گے۔