سندھ کے پرائمری اساتذہ کا سروس سٹرکچر بنیادی حق ہے،حاجی شفیع محمد سٹھیو

لاڑکانہ (بیورو رپورٹ) سندھ کے پرائمری اساتذہ کا سروس سٹرکچر بنیادی حق ہے۔ سروس سٹرکچر انشاء اللہ جلد ہی آل سندھ پرائمری ٹیچرز ایسوسی ایشن کے مرکزی صدر حاجی شفیع محمد سٹھیو کی قیادت اور نگرانی میں حاصل کیا جائے گا۔ پرائمری اساتذہ کے سروس سٹرکچر کی فراہمی میں سندھ حکومت خصوصاً صوبائی وزیر تعلیم سید سردار علی شاہ اور سیکرٹری تعلیم زاہد علی عباسی کی خدمات قابل تحسین ہیں۔ سروس سٹرکچر کے لیے عملی کام، فالو اپ، مسلسل کوششوں اور طویل المدتی جدوجہد کا ثمر ضرور رنگ لائے گا، جس کا تمام تر کریڈٹ پی ٹی الف کے مرکزی صدر حاجی شفیع محمد سٹھیو کو جاتا ہے۔ ان خیالات کا اظہار پی ٹی الف ڈویژن لاڑکانہ کے صدر عبدالفتاح عباسی نے ایک اجلاس سے خطاب کرتے ہوئے کیا۔ انہوں نے کہا کہ پاکستان پیپلز پارٹی کا تاریخ کا سب سے بڑا کارنامہ سندھ کے پرائمری اساتذہ کو سروس سٹرکچر دینا ہوگا اور محکمہ تعلیم میں تجربہ کار اساتذہ کو سروس سٹرکچر دے کر سندھ کی تاریخ میں محکمہ تعلیم کی نئی تاریخ لکھی جائے گی۔ پی ٹی الف کے اساتذہ رہنماؤں نے اس بات کا اعادہ کیا کہ ایک طرف تو پورے سندھ کی نظریں صرف سروس سٹرکچر پر مرکوز ہیں اور دوسری طرف سندھ حکومت کے محکمہ خزانہ کو آخری مراحل میں غیر ضروری رکاوٹوں اور اعتراضات کا سامنا ہے، مگر حاجی شفیع محمد سٹھیو کی گرانقدر خدمات پر اعتراض دور کردیئے گئے ہیں۔ اس لیے صوبائی وزیر تعلیم سید سردار علی شاہ کا وعدہ جلد پورے ہونے والا ہے اور سندھ کے پرائمری اساتذہ کے لیے خوشی کے دن جلد آنے والے ہیں۔ اس موقع پر پی ٹی الف زندہ باد، حاجی شفیع محمد سٹھیو زندہ باد کے نعرے بھی لگائے گئے۔